Ikasleak eta Babesleak

• Atera zaitez babesle bila.
• Edozein izan daiteke zure babesle!
• Adierazi zure guraso, aitona-amona, osaba-izeba, auzokide eta adiskideei Gosearen aurkako Ekitzaren hitzaldietan ikasi duzuna, eta eskatu Lasterketaren egunean itzuli bat ematen duzun bakoitzean diru kopuru txiki bat emateko konpromisoa har dezatela (adibidez 20 zentimo, 50 zentimo., 1 , 2 edo 5 euro).
• Apuntatu informazio hori zure pasaporte solidarioaren babesletza-taulan.
• Nahi adina babesle eduki ditzakezu!
• Elikatu modu egokian eta asko entrenatu, Lasterketaren egunean itzuli asko eman ahal izateko.

• Orain, zuri dagokizu ahalik eta distantziarik handiena egitea.
• Gogoan izan kirol-arropa jantzi, ondo hidratatu eta eguzkitik babestu behar duzula.
• Gosearen aurkako Lasterketa iraupen-lasterketa da, garrantzitsuena ahalik eta distantziarik handiena egitea da. Berdin dio bizkor ez bazoaz, garrantzitsuena laguntzeko gogoa izatea eta solidarioa izatea da.
• Nekatuta bazaude, une batez gelditu zaitezke ura edateko, eta ondoren oinez jarraitu dezakezu..

Animo, primeran egingo duzu!!​

• Eman dituzun itzulien guztizko zenbatekoa apunta ezazu zure pasaporte solidarioan, eta eskatu zure babesleei zure ahaleginari esker lortu duzun dirua eman diezazutela.
• Eman diru guztia zure irakasleari, hark guri emateko eta guk gure proiektuetan erabili ahal izateko, neska-mutil askori laguntzeko helburuarekin.
• Gogoan izan edozein dohaintza, oso txikia badin bada ere, guretzat oso garrantzitsua dela.

Eskerrik asko!

• Gosearen aurkako Lasterketan parte hartzen duen ikasleren baten babesle bihurtzeko, korrikalariak zirkuituari itzuli bat ematen dion bakoitzean diru kopuru txiki bat emateko konpromisoa hartu besterik ez duzu egin behar. Horrela, are eta itzuli gehiago eman, orduan eta handiagoa izango da zure laguntza.
• Animatu txikienei zu bezalako babesle asko lor ditzaten euren inguruan, eta entrenamenduak egin ditzaten eta elikagai osasuntsuak jan ditzaten Lasterketaren egunean itzuli gehiago emateko. Ondoren, eman iezaiezu agindu zenien kopurua korri egiten dituzten itzulien kopuruarekin biderkatuta. Ez dago dohaintza txikirik, edozein laguntza oso garrantzitsua da guretzat.